Santiago de Compostela
Percorre connosco o Final do Camiño
Visita guiada percorrendo os recunchos da capital xacobea, meta universal da peregrinación e xerme de Europa.
Santiago integra dende a Idade Media todas as sendas do continente, favorecendo o intercambio comercial e a convivencia entre os pobos.
Raíñas, bispos, poetas e santos, así como viaxeiros de todas as nacionalidades peregrinan desde entón cara ó “Finis Terrae”, convertendo o Camiño nun crisol de culturas.
Paseando polas súas rúas respiraremos a través das súas pedras e, coñecendo as súas historias, comprenderemos como Compostela chegou a converterse nun dos centros máis importantes da Cristiandade.